Ақмола облысында жабайы кеншілер миллиондап пайда тапқан, деп хабарлайды aqshamnews.kz
Бас прокуратура Ақмола облысында заңсыз алтын өндірумен айналысқан топ туралы мәлімдеді. Ұйымдасқан қылмыстық топ құрамында Қазақстан, Ресей және Украина азаматтары болған.
Қадағалау органының мәліметінше, бұл адамдар құжат бойынша геологтар болып тіркелген. 12 адамнан тұратын топ 2021 жылдан 2023 жылға дейін жұмыс істеген, Жабайы кеншілердің әрекетінен келген шығын 250 миллион теңгеге жеткен.
«Тергеу мәліметтері бойынша, қылмыстық топ «жер қойнауын геологиялық зерттеу» лицензиясын жамылып, заңсыз алтын өндірумен айналысқан», — дейді Бас прокуратура.
Халықаралық топтың ісі сотқа берілді.