Футзалдан ұлттық құрама екінші турдан кейін-ақ плей-оффқа шықты
Жарыс ережесі бойынша топтағы үздік екі команда плей-оффқа тікелей жолдама алады. Сондай-ақ тағы 4 құрама нәтижесіне қарай үшінші орын алған командалар арасынан іріктеледі, деп хабарлайды aqshamnews.kz.
4 ұпайы бар отандастарымыз Жаңа Зеландияға қарсы ойында қандай есеп тіркелсе де, 1/8 финалға айқын шығып тұр. Үшінші орыннан төмен сырғымайды. Себебі қазір үшінші орында тұрған үш командада ғана ұпай бар. Ал төртінші құрама 4 ұпай жинап үлгермейді.
1/8 финалға Қазақстаннан бөлек, Аргентина, Бразилия, Иран, Испания, Марокко, Парагвай, Португалия, Тайланд және Франция құрамалары шығып үлгерді.
Айта кету керек, 21 қыркүйекте сағат 17:30-да Қазақстан құрамасы Жаңа Зеландия құрамасына қарсы ойын өткізеді.
Ойын Ташкенттегі «Хумо Арена» спорт кешенінде өтетін болады.
Бұған дейін әлем чемпионатында үздіктер қатарына енген Қазақстан құрамасына өзбек жанкүйерлерінің неге бүйректері бұрып қалғаны жайында сөз қозғаған болатынбыз.