Бүгінде адам пендесі өмірдің талай дауылымен, күн көзіндей шұғылалы қуаныш атаулыға бөленіп өсетін «өмір ағашы» іспеттес сияқты. Жер ағаш тамырына қандай өнім бергендігі, қалай құнарландырғаны сияқты, адам өмірінде осы жағдаяттарға кезігеді. Біз отбасымызды ата-анамызбен, бауырларымызбен, қоршаған орта, достарымызбен сырласамыз, бірге күн кешеміз. Отбасылық жағдаяттарымыз шыға қалса, ішкі тақырыбын, мән-жайын түсінбей теріс айналып жатамыз. Бұл – қазіргі жастарымыздың ең үлкен қателігі. Сырттан жылулық іздейміз. Осы жағдайда көбісі, теріс арналарға тап болып жатады. Соның ішінде көп жастарымыз дүниежүзі бойынша тұтынуға, таратуға рұқсат етілмеген, аты мен заты тәуелділікке душар ететін – есірткі қолданысы. Адам өз өмірін рахатқа бөледім деп уақытша ләззат күйігіне батып жүргенін байқамай қалады. Тәуелділігі үдейе түскенде ақ пен қараны ажырату тұрмақ, шарасыз хәлге түседі. Өз қолымен жасаған тағдыр тылсымына түсіп, шарадай басы шақшадай болып, не істеп (ұрлық, кикілжің, суицид, т.б ) не қойғанын білмей әлек болары шын.
Жазып отырып, елестету өте қиын. Бір тәуелділік заты – есірткі, біршама өмір азабын беретіні бәрімізге мәлім. Бұл жағдаяттардың бәрін білмесек те, телехабарлардан көріп денеміз тітіркенеді. Адам баласы тек жақсы істерге лайықты. «Заманың түлкі болса, тазы болып шал» демекші, бүгінгі жастар, асыл достарым жылтыраған арзан арбауға алданбаңдар. Қазіргі таңда тәуелділік заты есірткіні тұтыну, тарату жағдайлары үзілетін жіп секілді емес, тап бір жаңбыр секілді толастамай тұрғаны жанға батады. Жас шыбық, жас ұрпақ іздері көрінбейтін, іс-әрекеттері білінбейтін арзан алдаудың құрышында жүргенде, біз қалай жақсы өмір сүрмекпіз. Бүгінгі күн, бүгінгі сәттен бастап денсаулық ұранын белсене қолданып, салауатты өмір сүруге барша достарымды шақырамын.
Қамшының сабындай ғана қысқа ғұмырда адамзат баласына бірігіп жетемін десе жеңіс те, бірігіп татамыз десе бал татыған жемісі де көп. Тек қана мақсаттарың айқын болсын....
Есірткісіз өмір ғажайып!
