Саясаттанушы Алматыдағы кадрлық өзгерістер туралы
«Алматыда жұмыс істеген 3 жыл ішінде Ерболат Досаев мықты аймақ басшысы екенін көрсетті» – саясаттанушы Данияр Әшімбаев
Саясаттанушы Данияр Әшімбаев Алматы қаласының әкімі Ерболат Досаевтың қызметінен босатылуына қатысты пікір білдірді.
«Ерболат Досаев – еліміздегі ең тиімді, тәжірибелі және жарқын саясаткер мен басқарушының бірі. Ол түрлі үкіметтік лауазымда өзін жақсы қырынан танытып, ал Алматыда жұмыс істеген үш жыл ішінде мықты өңірлік басшы ретіндегі беделін дәлелдеді. Ерболат Досаев – жоғары деңгейдегі қызметке лайық санаулы тұлғаның бірі. Сондықтан оның болашақтағы тағайындалуы мен Алматыға жаңа әкімнің келуі елдегі кадрлық саясаттың өзіндік индикаторы болмақ», – деді сарапшы.
Естеріңізге сала кетейік, 2025 жылдың 24 мамырында ҚР Президентінің жарлығымен Ерболат Досаев Алматы қаласының әкімі қызметінен босатылды.
