Қазақ халқының мақтанышы, Роза Бағланова атындағы «Қазақконцерт» мемлекеттік академиялық концерттік ұйымының әртісі Ербол Тәжібаев АҚШ-тың Лос-Анджелес қаласында өткен «WorldStars» халықаралық таланттар олимпиадасына қатысып, бас жүлдеге ие болды, деп хабарлайды aqshamnews.kz мәдениет және ақпарат министрлігінің баспасөз қызметіне сілтеме жасап.
Әлемнің кіл мықтылары жиналған өнер додасында Ербол Тәжібаев үш номинация бойынша қатысып, бас жүлде - Гран-приді жеңіп алды.
Ербол Тәжібаев Тәттімбет атындағы Қарағанды өнер колледжінде «Классикалық вокал» мамандығы бойынша, Абай атындағы Қазақ ұлттық педагогикалық университетінде білім алған.
Еліміздегі «Qazaqstan дауысы», «Topjargan», «Бес жұлдыз» және т.б. көптеген беделді республикалық байқаулар мен жобаларда керемет өнер көрсетіп, көрермен қошеметіне бөленген ерекше дарын иесі.