Қазақстанның Энергетика министрі Алмасадам Сәтқалиев елімізде ұзақ уақыт бойы пайдаланылмаған және келісімшарттық міндеттемелерін орындамаған жер қойнауын пайдаланушылардан талап етілген айыппұлдар туралы айтты, деп хабарлайды aqshamnews.kz
2022 жылдан бастап министрлік 52 келісімшартты бұзған. Бұл келісімдер кейін аукцион арқылы қайта сатылымға шығарылады. Энергетика министрінің айтуынша, қазіргі таңда тоғыз келісім бойынша 1,9 миллиард теңге көлеміндегі қарыз өтелген.
«2022 жылғы келісімшарттар бойынша 158 ескерту жасалып, жалпы сомасы 12 миллиард теңге болды, оның 5,6 миллиард теңгесі өтелді. Ал 2023 жылғы келісімшарттар бойынша 141 ескерту жасалды, жалпы сомасы 14 миллиард теңге болды, бүгінгі күні 2,4 миллиард теңге өтелді», — деді Алмасадам Сәтқалиев үкіметтік сағатта.
2024 жылдың 1 қарашасына қарай Қазақстанда 315 мұнай-газ келісімшарты күшінде тұр.
«2020 жылдан бастап жер қойнауын пайдалануға құқық беру жүйесі толық автоматтандырылды. Ол электронды аукцион арқылы жүзеге асырылады. Бұл процесс ашық әрі айқын етеді. Осы уақыт ішінде тоғыз электронды аукцион өткізілді. Оның барысында 110 жер учаскесі сатылып, бюджетке 49,5 миллиард теңге көлемінде қол қою бонусы төленіп, геологиялық барлау жұмыстарын жүргізуге 443 миллион доллар инвестиция тартылды», — деп қосты министр.
Келесі аукцион 27 қарашада тоғыз учаске бойынша өткізілуі жоспарланған.