Қазір ата-аналар балабақшаны тұрғылықты мекен жайына байланысты таңдайды.
Елімізде балабақшаға қабылдау тәртібі өзгеруі мүмкін, деп хабарлайды aqshamnews.kz
Оқу-ағарту бірінші вице-министрі Наталья Жұмаділдаева келер жылы елімізде балабақшаға қабылдау тәртібі өзгеруі мүмкін екенін айтты.
Мемлекет мұны ваучерлік қаржыландыру арқылы іске асырмақ. Яғни балаға қарастырылатын қаржы қазіргідей алдын ала емес, балабақшаға тіркеу аяқталғаннан кейін ғана бөлінеді.
«Бастама бірнеше өңірде пилот режимінде қолға алынды. Бұл кезекті жою үшін жасалып отыр», – деді вице-министр.