Ел спортшылары Парижде өткен әлемдік Кубоктың бірінші кезеңінде күміс медаль иеленді. Бұл – Қазақстан командасының осы турнирдегі үшінші жүлдесі, деп хабарлайды aqshamnews.kz
Франция астанасында өтетін Кубоктың артистикалық жүзу бойынша алғашқы кезеңінде Артур Майданов пен Валерия Столбунова дуэті өздерінің көркем орындауымен әсем өнер көрсетіп, күміс медальге ие болды.
Сонымен қатар, Қазақстандық Эдуард Ким жеке есепте күміс медаль жеңіп алды.
Айта кетейік, бұл беделді жарысқа 22 елден 167 спортшы қатысуда. Қазақстан командасы осындай биік нәтижелерімен ел намысын абыроймен қорғап келеді.