Қазақстан әлемдегі ең мықты төлқұжаттар рейтингінде бір саты төмендеді, деп хабарлайды aqshamnews.kz
Henley&Partners Index рейтингінде еліміздің төлқұжаты 67-орынға тұрақтады. Өткен жылмен салыстырғанда көрсеткіш бір сатыға төмендеген. Десек те, Қазақстан Орталық Азия елдерінің арасында көш бастап тұр. Тізімде Қырғызстан 81-орында болса, Өзбекстан 82-орынға жайғасты.
Алғашқы үштікке Сингапур, Оңтүстік Корея және Жапония кірді. Бұл елдердің паспорты ең күшті деп танылды. Мәселен, Сингапур азаматтары 193 елге визасыз сапарлай алады.
Бұған дейін елімізде паспорттың жаңа дизайны әзірленіп жатқаны белгілі болды. Бұл жұмыстар ақпан айында басталған.