"Қазгидромет" синоптиктері 29, 30 қараша және 1 желтоқсанға арналған ауа райы болжамын ұсынды, - деп хабарлайды aqshamnews.kz тілшісі.
Қазақстанда ауа райы құбылмалы болады
Қазақстанның басым бөлігінде атмосфералық фронттардың өтуіне байланысты ауа райы құбылмалы болады. Жаңбыр және қар жауады. Республиканың солтүстігінде, шығысында, орталығында бұрқасын соғып, көктайғақ байқалады.
"Тек республиканың батысында және оңтүстік-шығысында антициклон жотасының ықпалында жауын-шашынсыз ауа райы күтіледі", – деп хабарлады синоптиктер.
Температура қандай болады?
Ауа температурасы бойынша: солтүстік өңірлерде аздап жылынып, түнде 0…-8 градус аяз, күндіз 0…+5 градус жылы болады деп болжанды. Оңтүстік-шығыста күндізгі температура біртіндеп +3…+11 градусқа дейін төмендейді, таулы аудандарда 0…-5 градус аяз күтіледі.