Қазақстанда «Жас ғалым» жобасы аясында жаңа конкурс жарияланды.
Гранттар іргелі және қолданбалы ғылыми зерттеулер жүргізуге ден қойғандарға берілмек. Бұл жөнінде еліміздің Ғылым және жоғары білім министрлігі мәлімдеді, деп хабарлайды Almaty-akshamy.kz.
Су ресурстарын, жануарлар мен өсімдіктер дүниесін ұтымды пайдалану; минералды және көмірсутек шикізатын өндіру, қайта өңдеу, жаңа материалдар; энергетика және машина жасау; жаратылыстану ғылымдары саласындағы зерттеулер; ақпараттық, коммуникациялық және ғарыштық технологиялар; агроөнеркәсіптік кешеннің тұрақты дамуы және ауыл шаруашылығы өнімінің қауіпсіздігі бағытындағы жұмыстар саралаудан өтеді. Байқауға өтінімдерді қабылдау Ұлттық ғылыми-техникалық сараптама орталығы сайтында қазанның 3 мен 31 аралығында жүргізіледі.