Бұл - Ұлттық статистика бюросының мәліметі.
Қаңтар айының қорытындысы бойынша, бір жылда дәретхана қағазы 51,7% қымбаттаған, деп хабарлайды Almaty-akshamy.kz Energyprom.kz-ке сілтеме жасап.
Өңірлік тұрғыда бағаның ең жоғары өсуі Астанада тіркелді: бірден + 83%. Одан кейінгі орында Атырау (+71,6%), Абай (+69,7%) және Павлодар (+68,5%) облыстары, сонымен қатар Алматы (+67,2%) да бар. Бағаның ең аз өсімі Қызылорда облысында тіркелді: +13%.
2022 жылдың қаңтар-желтоқсан айларында елде 26,8 мың тонна дәретхана қағазы өндірілді. Бұл бір жыл бұрынғыдан 23,7%-ға аз.
Өңірлік тұрғыда өндірістің негізгі көлемі Алматы қаласына тиесілі: Қазақстан бойынша 86,2% немесе жылына 23,1 мың тонна (жылына -21,9%). Екінші және үшінші қатарда Қарағанды облысы (1,1 мың тонна, +20,1%) және Шымкент (802,9 тонна, -52,8%).
Қазақстан бір жылда 243,4 тонна дәретхана қағазын экспорттады. Бұл жылына +16,5%. Ішкі нарықта сатылым 22,6% төмендеп, 38,1 мың тонна болды.
Дәретхана қағазының қымбаттауы былтыр да тіркелді. 2022 жылдың сәуір айында Қазақстанда дәретхана қағазы бір жылда 11% қымбаттағаны туралы статистика жарияланды.