Кәсіпорынның мақсаты – қолжетімді, жоғары сапалы және сенімді техника шығару.
Көкшетау қаласында ауыл шаруашылығы агрегаттары мен құралдарын шығаратын “ҚазАгроМаш” зауыты пайдалануға беріледі, деп хабарлайды Almaty-akshamy.kz
Жаңа машина жасау кәсіпорнының 2024 жылғы наурыздағы өндірістік қуаты жылына 150 бірлік ауыл шаруашылығы құралын құрайды.
Зауыт мамандары қазірдің өзінде өндірістік желілерін жолға қойып, алты түрлі құрал-сайман шығаруды игерді.
Зауытта мынадай техникалар шығарылады:
жалпақ кескіштер;
тегістегіштер;
соқалар;
қар жинағыштар;
дискілі тырмалар мен тіркемелер.
13 жыл тәжірибесі бар кәсіпорынның мақсаты – қазақстандық аграрлық сала мамандары үшін қолжетімді, жоғары сапалы және сенімді техника шығару. Әлі салынып жатқан зауыттың цехтарындағы алғашқы құрал-саймандардың әзірлемесі 2023 жылдың басында басталды, ал техника 2023 жылдың маусымында алғашқы сынақтан өтті, содан кейін сатылымға шығарылды.