Бала емізетін аналар да екпе алып жатыр
ВАК телеграм арнасындағы соңғы мәліметке сүйенсек, елімізде коронавирус инфекциясына қарсы вакцинаның екі компонентін де салдырғандар саны 8 363 114 болды. Ал 8 899 669 адам 1-компонентін салдырған, деп хабарлайды Almaty-akshamy.kz.
Індетке қарсы жасөспірімдер мен жүкті әйелдер, бала емізетін аналар да екпе алып жатыр. Оларға «Pfizer» вакцинасы егіледі. 31 993 жасөспірім вакцинаны толық, яғни 2 компонентін де алып үлгерсе, 169 430 жасөспірім І компонентін ектірген.
Жүкті әйелдердің 2 778-і толық, 12 665-і І компонентін салдырды. Бала емізетін 31 156 ана 1-компонентін, 6 808 ана 2 компонентін ектірген.