Қазақстанның бірінші ракеткасы Елена Рыбакина Бейжіңдегі WTA 1000 турнирінен шығып қалды, - деп хабарлайды aqshamnews.kz.
Әлемдік рейтингте 10-орында тұрған қазақстандық теннисші Елена Рыбакина Қытайдың Бейжің қаласында өтіп жатқан WTA 1000 санатындағы турнирдің үшінші кезеңінде (1/16 финал) жарыс жолынан шығып қалды.
Ол әлемнің 66-ракеткасы, Германия өкілі Ева Лиске қарсы ойнап, 3:6, 6:1, 4:6 есебімен жеңіліп қалды.
Ойын 2 сағат 14 минутқа созылды. Осы уақыт ішінде Рыбакина сегіз эйс жасап, бес қос қате жіберді және тоғыз брейк-пойнттың жетеуін пайдаланды. Ал қарсыласы бір эйс орындап, бес қос қате жіберді және 19 брейк-пойнттың алтауын сәтті жүзеге асырды.