Тәуелсіздіктің 30 жылы ішінде біз жүз жылдыққа тең жолдан өттік. Ең бастысы, Қазақстанда көпұлтты халықтың болмысы, татулығы мен келісімі қамтамасыз етілген. Бізді әлемдік аренада таниды және құрметтейді.
Елбасы Нұрсұлтан Назарбаев «Nur Otan» партиясының Саяси кеңесінің кеңейтілген отырысында «Елдіктің жеті тұғыры» қағидаттарының жиынтығын ұсынып, негізгі бағдарды айқындай отырып, мемлекет тарихындағы жаңа дәуірді ашты.
Бүгінде еліміздің басты саяси күші саналатын «Nur Otan» партиясы қаламыздың басымдықтарын, оның бастамалары мен міндеттерін насихаттаудағы маңызды және барлық алматылықтардың біріктіруші күші ретінде әрекет етеді.
Бірінші қағидатты іске асыру біздің Тәуелсіздіктің алтын бесігі Алматы қаласына ерекше назар аудартады. Қазақстанның қалыптасу жолындағы ең айтулы оқиғалар Алматымен тығыз байланысты. Мұнда ел үшін маңызды шешімдер қабылданды: мемлекеттік егемендік туралы Декларация, Конституция қабылданып, Мемлекеттік рәміздер бекітілді, Қарулы Күштер, ұлттық валюта құрылды. Қала экономика тұрғысынан ғана емес, сонымен қатар заманауи мегаполиске тән тың ерекшеліктерге де ие болды - жүздеген әлеуметтік және инфрақұрылымдық нысандар мен жаңа жайлы қоғамдық кеңістіктер қаланың көркін ашты, сондай-ақ жоғары әлеуметтік белсенділікпен ерекшеленді. Бұл Елбасы Нұрсұлтан Әбішұлы қол жеткізген жетістіктердің және Президент Қасым-Жомарт Тоқаевтың біздің қаламызға деген тұрақты қамқорлығының, ерекше назарының жүзден бір бөлігі ғана. Мегаполистің ерекшеліктерін және бізге жүктелген жауапкершілікті ескере отырып, біз халықпен жұмысты барынша жандандырып, қала тұрғындарының көкейтесті мәселелерін тиімді шешіп, әлеуметтік инфрақұрылымды дамытып, аталған міндеттерді нақты іске асыруымыз керек.
Көпұлтты мемлекетімізде адамның құқықтары мен бостандықтарын сақтау – Елбасының тәуелсіздік таңында құрған азаматтық қоғам институты - Қазақстан халқы Ассамблеясының басты мақсаты. Бұл екінші принциптің басты бағыты. Кейбір елдерде халықтар достығы мен олардың бір аумақта бейбіт өмір сүруі қазіргі кезеңдегі өткір мәселе. Бұдан бөлек, қазақстандық патриотизмнің қалыптасуына ықпал ететін келісім мен бірлік функциясының бағыты бойынша Қазақстан жастарымен белсенді жұмыс жүргізілуде. Аталған маңызды аспектіде Алматы қала санының үштен бір бөлігін құрайтын жастардың қаласы болып саналады.
Осылайша, біздің ұлттық рухымыз, ұлттық сана–сезіміміз бен қазақстандықтардың ұлттық мәдениетінің түп тамыры саналатын қоғамның рухани негіздерін сақтау - Ұлт Көшбасшысы сөздерінің бірінші дәрежедегі маңыздылығына ие. Осы тұғырнаманың нәтижесінде біздің руханият пен менталитетімізді қалыптастыратын алғышарттар анықталады. Бұл Қазақстанның Тұңғыш Президенті айқындаған шекара мен аумақтық тұтастықтың сақталуы, көрші елдермен достық қарым-қатынас және қазақстандық қоғамның шынайы интеграторы болып табылатын дәстүрлі отбасылық құндылықтарды қолдау деген сөз.
Елбасы атап өткендей, білімге деген ұмтылыс пен еңбекқорлық – игіліктің кілті. Біздің тұрғындар үшін барлық жағдай жасалған, ал нұротандықтар үшін нақты мақсат қойылған, ол - барлық міндеттерді орындау. Бұл қарапайым адамдардың өзекті мәселелерін шешуге бағытталған партияға деген сенімді нығайтуға ықпал етеді.
Ел өңірлерінің даму қаупін арттырған COVID-19-дың ұзақ карантині және шектеу шаралары сияқты барлық сын–қатерлерге қарамастан, «Nur Otan» партиясы сайлау алдындағы уәделерін орындауда елеулі нәтижелерге қол жеткізді және бұл жұмысты жаңа бағыт – «Елдіктің жеті тұғыры» қағидаттарының жиынтығы шеңберінде жалғастыратын болады. Партияның сайлауалды міндеттемелерін орындауға жұмылдырылған тетіктері жұмыссыздық деңгейін 5,1% - ға дейін төмендетуге ықпал етті, 50 мыңнан астам жаңа жұмыс орындары құрылды. Сапалы білімге қол жеткізуді қамтамасыз ету де маңызды мәселе болып табылады. Атап айтқанда, партияның Жол картасы аясында барлығы 5 мың орындық 72 жекеменшік балабақша ашылып, 3 мемлекеттік балабақшаның құрылысы аяқталды. Бүгінде біз 5 жылға арналған сайлауалды уәделеріміздің 30%-ын орындадық.
Елбасы бағытын жалғастырудың арқасында «Nur Otan» партиясы Алматыдағы тұрақты жағдайды қамтамасыз ету үшін бар күшін салады. Бізді әрбір тұрғынның өмір сүру деңгейін арттырудағы ортақ мақсат біріктіреді.
Партияның Алматы қалалық филиалы «Елдіктің жеті тұғыры» қағидаттар жинағының негізгі бағыттарын және партияның Саяси кеңесінің кеңейтілген отырысының қорытындыларын талқылау және түсіндіру бойынша белсенді жұмыс бастағанын атап өткім келеді. Қалада 700-ге жуық партия ұйымы және 60 мың партия мүшесі бар. Бүгіннен бастап барлық аудандық филиалдарда бастауыш партия ұйымдарының жиналыстары мен кездесулерін талқылау басталады. «Nur Otan» партиясы бұл миссияны ерекше жауапкершілікпен орындап, елеулі табысқа жететініне сенімдімін!