19 қыркүйек күні Шығыс Қазақстан облысында «Таза Қазақстан» республикалық экологиялық акциясы аясында ауқымды ағаш отырғызу шарасы өтеді. Бұл игі іске еріктілер мен қоғам өкілдері белсенді түрде қатысады.
Глубоков ауданы аумағындағы «Мало-Уба орман шаруашылығы» КММ жерінде 113 мыңнан астам сібір шыршасының көшеті отырғызылмақ. Айта кетерлігі, бұл бастаманы еріктілер мен блогерлер ерекше қолдап келеді. Биыл көктемде олардың күшімен Марқакөл ауданындағы «Марқакөл орман шаруашылығы» аумағында 30 мыңнан астам көшет отырғызылған болатын.
«Таза Қазақстан» акциясы – елдің табиғатына бейжай қарамайтын азаматтарды, қоғам қайраткерлерін және жастарды біріктіретін ортақ іс. Бұл – жасыл қорды сақтау мен көбейтуге бағытталған нақты қадам ғана емес, сонымен бірге болашақ экологиялық аманат үшін әрбіріміздің азаматтық жауапкершілігіміздің айқын көрінісі.