Павлодар облысында ер адамды өлтіріп, әйелге бірнеше рет пышақ сұққан тұрғын 17 жылға бас бостандығынан айырылды, деп хабарлайды Aqshamnews.kz.
Сот мәліметінше, айыпталушының кінәсін ішінара мойындауы жеңілдететін мән-жай ретінде ескерілген. Ал қылмыстың алкогольдік мас күйде және қауіпті қайталану жағдайында жасалуы жазаны ауырлатқан.
Сот үкімімен әйелге қылмыстық баптар бойынша тиісінше 10 және 16 жыл жаза тағайындалып, түпкілікті үкім ретінде 17 жылға бас бостандығынан айыру жазасы белгіленді. Ол жазасын қауіпсіздігі барынша жоғары мекемеде өтейді.
Оқиға биыл қаңтар айында Екібастұздағы пәтерлердің бірінде болған. Ішімдік ішіп отырған адамдар арасында тұрмыстық жанжал туындап, ер адам пышақ жарақатынан оқиға орнында көз жұмған. Оның бірге тұрған әйеліне де пәтерде және подъездің баспалдақ алаңында бірнеше рет пышақ сұғылған.
Күдікті ізін суытпай ұсталып, зардап шеккен әйел ауруханаға жеткізілген.
Сот үкімі заңды күшіне енген жоқ.