Қызылорда облысында бүгін екі ауылдық округте әкім сайлауы өтіп жатыр, деп хабарлайды Almaty-akshamy.kz.
Қазақпарат таратқан мәліметке сәйкес, саяси маңызды шара ҚР Сайлау туралы конституциялық Заңына сәйкес жүргізілуде. Қызылорда облысының Арал ауданында Жаңақұрылыс және Құланды ауылдық округтерінің тұрғындары таңғы сағат 7.00-ден бастап №22 және №29 учаскелерінде таңдау жасауға келді. Олардың арасында алғашқы келген сайлаушыларға сыйлықтар берілді.
Жаңақұрылыс ауылдық округінің әкіміне 4 азамат үміткер ретінде тіркелген. Олардың барлығы - өзін-өзі ұсыну тәртібімен үміткерлер. Округте барлығы 408 сайлаушы тіркелген.
Ал, Құланды ауылдық округіндегі 267 сайлаушы әкім сайлауында 3 үміткердің арасынан лайықтысын таңдауға ниет білдіріп отыр. Олардың бәрі өзін-өзі ұсыну жолымен кандидат ретінде тірклеген.
«Жыл басынан бері Қызылорда облысында 8 ауыл әкімі сайланды. Атап айтқанда, Қазалы ауданының Ақжона, Арықбалық, Жалағаш ауданының Жаңадария, Аққұм, Мырзабай ахун, Сырдария ауданының Ақжарма, Жаңақорған ауданының Жаңарық және Қармақшы ауданының Ақтөбе ауылдық округі бар. Енді 25 маусымда Жаңақорған ауданының Сүттіқұдық пен Қаратөбе ауылының әкімдері сайланады. Биыл Президент тапсырмасына сәйкес аудан әкімдерінің сайлауы өтеді. Қызылорда облысында тұрғындар 2 аудан әкімін тікелей сайлай алады», - деп мәлім етті облыстық сайлау комиссиясынан.