Қазақстан қаржыгерлері қауымдастығы талдау орталығының сарапшылары осындай болжам жасады, деп хабарлайды aqshamnews.kz
Талдау орталығы қаржы нарығының кәсіби қатысушыларының кезекті сауалнама нәтижелерін жариялады.
Оған сәйкес, тамыз айының басында доллар бағамы 523,4 теңгеге жетуі мүмкін. Қазіргі көрсеткіш – 519,2 теңге. Бір жыл ішінде АҚШ валютасы 548,5 теңгеге дейін қымбаттауы ықтимал. Ал бұған дейінгі болжамда бұл көрсеткіштер тиісінше 516,3 және 539,7 теңге деңгейінде болған.
«Бұған қазіргі шот көрсеткіштерінің нашарлауы, экспорттық тауарлар бағасының тұрақсыздығы, сауда балансының профицитінің қысқаруы әсер етуі мүмкін», – деп түсіндірді сарапшылар.