Әлемге әйгілі актер, режиссер және продюсер Джеки Чан қатысатын «Құдіретті сауыт» (Armour of God) фильмінің кезекті бөлімі Қазақстанда түсіріледі.
Ұйымдастырушылардың мәліметінше, бұл жоба франшизаның төртінші бөлімі болмақ. Түсірілім орнын Қазақстанда өткізу туралы шешім Бейжіңде өткен келіссөздерден кейін қабылданған, - деп хабарлайды Aqshamnews.kz.
«Қазақстан – ерекше табиғаты мен тарихи нысандарымен көз тартатын ел. Бұл фильмге қажетті атмосфераны береді», – дейді жобаны ұйымдастырушылар.
Айта кетейік, «Құдіретті сауыт» франшизасының алғашқы фильмі 1986 жылы жарық көріп, шығыс жекпе-жегі мен комедия жанрын үйлестірген туынды ретінде Джеки Чанды әлемдік деңгейдегі жұлдызға айналдырған еді.
