Танымал актер Джеки Чан Алматыға не үшін келгені белгілі болды, - деп хабарлайды Аqshamnews.kz тілшісі.
Salem Entertainment мәліметінше, тараптар ірі жобаны жүзеге асыруға кіріскен. Актер командамен алдағы картинаның түсірілім алаңдарын таңдады. Фильмнің негізгі бөлігі Қазақстанда түсірілетін болады.
"Толығырақ мәліметті әзірге құпия сақтаймыз. Бірақ сеніңіздер, алда сіздерді ғаламат жаңалықтар күтуде. Жаңалықтарымызды бақылап отырыңыздар, ең қызықтысы әлі алда!" – делінген хабарламада.
Еске салайық, бұған дейін Алматыда әйгілі актер Джеки Чанның жүргені жайлы ақпарат әлеуметтік желіде қызу талқыланған еді.
23 қыркүйекте түсірілген фото мен бейнежазбаларда Джеки Чанға ұқсайтын адам Алматы халықаралық әуежайында байқалған.