Әлемге әйгілі әнші Димаш Құдайберген Қазақстан Республикасының Мехикодағы елшілігінде болып, қазақстандық диаспора өкілдерімен кездесті, - деп хабарлайды aqshamnews.kz тілшісі.
Министрлік мәліметінше, қазақ дәстүрі мен мәдениетін ілгерілету аясында өнер иесі елші Алмұрат Тұрғанбековпен тоғызқұмалақ ойнап, сондай-ақ, бір жасар қазақстандық Халид Йылдыздың тұсауын кесіп, оған батасын берді.
Айта кетейік, Димаш 8 және 10 қазанда Мехикода концерт берген еді. Оған 25 мыңнан аса тыңдарман жиналған.
Жанкүйерлер әншіге, оның отбасы мен командасына терең ризашылықтарын білдіріп, көптеген кәдесый мен тәтті сыйлады.