Қазақстан қор биржасындағы (KASE) 23 ақпандағы күндізгі сауда қорытындысы бойынша теңге долларға шаққанда әлсіреді , – деп хабарлайды aqshamnews.kz тілшісі.
Сағат 15:30-дағы мәліметке сәйкес, доллардың орташа өлшенген бағамы 1,29 теңгеге өсіп, 497,33 теңгені құрады.
Ресей мен Қытайдағы мерекелік күндерге байланысты рубль мен юань бойынша сауда жүргізілген жоқ.
Айырбастау пункттерінде долларды сатып алу бағамы – 494 теңге, сату – 501 теңге. Еуро 581–591 теңге аралығында саудаланса, ресейлік рубль 6,35–6,65 теңге шамасында.
Ұлттық банктің таңертеңгі ресми бағамы бойынша доллар – 494,66 теңге, еуро – 581,87 теңге, рубль – 6,43 теңге, юань – 71,61 теңге болды.