Бұдан бұрын Қазақстан президентінің Владимир Путинге көңіл айтқанын хабарлағанбыз.
Дағыстан басшысы Сергей Меликов Telegram арнасында 24, 25 және 26 маусым күндері елде қаралы күн жарияланғанын мәлімдеді, деп хабарлайды Almaty-akshamy.kz
Белгілі болғандай, Дағыстанда орналасқан мәдени мекемелер мен телерадиокомпаниялар барлық ойын-сауық шаралары мен бағдарламаларын тоқтатады.
Сондай-ақ, баспасөз қызметінің хабарлауынша, үкіметке қаза болғандардың отбасылары мен зардап шеккендерге көмек көрсету бойынша қажетті шараларды қабылдау тапсырылды.
Бұған дейін Дербенттегі синагога мен шіркеуге белгісіз біреулер оқ атқан, сонымен қатар Махачкалада жол полициясы бекетіне шабуыл жасағаны хабарланған болатын. Ресей Тергеу комитетінің Дағыстан Республикасы бойынша Тергеу басқармасы Ресей Федерациясының Қылмыстық кодексінің 205 ("Террористік акт") 1-бап бойынша қылмыстық іс қозғады.
Кейін Махачкала мен Дербентке жасалған қарулы шабуылдың кесірінен алты полицейдің қаза тапқаны белгілі болды. Соңғы мәліметтер бойынша, 15-тен астам полиция қызметкері, сондай-ақ бірнеше бейбіт тұрғын, соның ішінде Орыс православие шіркеуінің діни қызметкері лаңкестік әрекеттердің құрбаны болған.