ДДСҰ "омикрон" штамының жаңа түрін бақылауға алып, зерттеу керектігін айтты.
Deutsche Welle басылымның мәліметінше, ұйым коронавирустың "омикрон" штамының екі жаңа кіші түрін бақылап жатыр. Дүниежүзілік денсаулық сақтау ұйымы BA.4 және BA.5 штамдарының жұқпалы екенін анықтау үшін бағалау тізіміне қосқанын айтты, деп хабарлайды Almaty-akshamy.kz Elorda.info сайтына сілтеме жасап.
«ДДСҰ қосымша мутацияларға байланысты жаңа кіші түрлерді бақылауды бастады, олардың иммундық қорғаныс әлеуетіне әсерін түсіну үшін қосымша зерттеу қажет», – делінген хабарламада.
Сонымен қатар, ДДСҰ басшысы Тедрос Адханом Гебрейюс әлемде COVID-19 пандемиясының әлі аяқталмағанын айтты. Ол соңғы аптада COVID-19-дан өлім саны азайып жатқанын, бірақ вирус өте жұқпалы екенін, дамуын жалғастырып жатқанын айтты.
«COVID-19 пандемиясы әлі аяқталған жоқ. Ол жұғуын тоқтатпайынша, пандемия еш жерде аяқталмайды», – деді ДДСҰ басшысы.