Болат Ақшолақов Атырау облысының әкімі болып тағайындалды, деп хабарлайды Aqshamnews.kz Ақорданың баспасөз қызметіне сілтеме жасап.
«Мемлекет басшысының Жарлығымен Ақшолақов Болат Оралұлы Атырау облысының әкімі лауазымына тағайындалды», – делінген хабарламада.
Болат Ақшолақов 2025 жылдың ақпанынан бері KAZENERGY қауымдастығының төрағасы қызметін атқарған. 2023 жылдың сәуірінен 2025 жылдың ақпанына дейін Қазақстан Президентінің кеңесшісі болды.
Ал 2022 жылдың қаңтарынан 2023 жылдың сәуіріне дейін Қазақстанның энергетика министрі қызметін атқарған.