Президент Қасым-Жомарт Тоқаевтың төрағалығымен Ұлттық құрылтайдың кезекті отырысы Бурабайда басталады. Бұл туралы Aqshamnews.kz сайты 24.kz дерегіне сілтеме жасап хабарлайды.
Ұлттық құрылтай алғаш рет 2022 жылдың маусымында құрылып, биыл төртінші рет жиналмақ. Құрылтай жұмысы елдің тарихи жадын жаңғыртуға, ұлттық құндылықтарды дәріптеуге және жаңа саяси мәдениетті қалыптастыруға бағытталған.
Өткен жылы Ұлттық құрылтайдың үшінші отырысында көтерілген бастамалардың нәтижесінде 10 заң жобасы ұсынылып, 9 заң қабылданды. Құрылтайға елдің әр өңірінен қоғам қайраткерлері, сарапшылар және азаматтық белсенділер қатысуда.
Бұған дейін құрылтай Ұлытау, Түркістан, Атырау сияқты тарихи қалаларда өтіп, қоғамдағы өзекті мәселелерді талқылауға және шешімдер қабылдауға мүмкіндік берді.