Алғаш 1930 жылы 14 наурызда «Пионер» деген атаумен жарық көрді, деп хабарлайды aqshamnews.kz.
Соғыс кезінде уақытша жабылды. 1946 жылы 9 мамырда «Қазақстан пионері» деген атаумен қайта жарыққа шықты. 1990 жылдан бастап «Қазақстан пионері» газетінің атауы «Ұлан» болып өзгерді.
Газеттің 95 жылдық тарихында 24 редактор басқарған. Олардың арасында Ахмет Нұралин, Кемел Тоқаев, Сейдахмет Бердіқұлов, Фариза Оңғарсынова, Бейбіт Қойшыбаев, Сұлтан Қалиұлы сынды белгілі ақын-жазушылар бар. Газеттің қазіргі бас редакторы – Жадыра Нармаханова.
Жазуға икемі бар талай жеткіншек «Ұлан» газетінің жас тілшісі болып, журналистика саласына қадам басты. Олар қазір еліміздің түрлі ақпарат құралында қызмет етеді.