Қазақстандық бизнесмен және "Байқоңыр" зымыран-ғарыш корпорациясы" АҚ ("Байқоңыр" ЗҒК АҚ) бас директоры Даурен Мұсаға халықаралық іздеу жарияланды. Ол Байқоңыр ғарыш айлағында сақталған "Боран" ғарыш кемесінің екінші ұшу үлгісінің және оның макетінің иесі ретінде белгілі, - деп хабарлайды aqshamnews.kz.
Құқық қорғау органдары мәліметінше, Даурен Мұса Алматы Полиция департаментінің қылмыстық полиция басқармасы тарапынан 190-баптың 4-бөлігі (Алаяқтық) бойынша іздестіріліп жатыр.
"Оны ұстау мақсатында кешенді жедел-іздестіру шаралары жүргізіліп жатыр", - деді Алматы Полиция департаментінің баспасөз қызметі.