Қазақстандық салық органдары 850 блогерге хабарлама жіберген, деп хабарлайды aqshamnews.kz
Қаржы вице-министрі Дәурен Темірбековтің мәлімдеуінше, олардың жартысынан азы салық төлеген.
Вице-министрдің айтуынша, хабарламалар шамамен 850 блогерге жіберілген.
"Олардың ішінде шамамен жартысына жетпейтін, яғни 360-қа жуық блогер өз табыстарын 10,5 миллиард теңге көлемінде ерікті түрде растады. Төлем сомасы 256 миллион теңге болған. Жұмыс жалғасып жатыр. Кейбірінің төлеу мерзімі әлі жетпеген болуы мүмкін", – деді Темірбеков.
Егер блогерлер қарыздарын жаппаса, ол мәжбүрлі түрде өндіріледі.