Осы аптада Тредс желісінде қандай тақырып ең көп талқыланды? Аqshamnews.kz тілшісінің кезекті топтамасынан оқыңыз.
Мәжілістегі "Сазды сәлем"
Әдеттегідей Тредстіктер ел жаңалықтарын назардан тыс қалдырып жатқан жоқ. "Назар" демекші, осы аптада мәжіліс депутаты Ардақ Назаров нағыз желі жұлдызына айналды. Кезекті отырыста мінберде отырған депутат анасын мерейтойымен құттықтаймын деп басы дауға қалды. Назаровтың елдің мұң-мұқтажын талқылайтын мемлекеттік орында анасына бөлген "назары" жұрттың шамына тиіп, Тредсте түрлі әзілге арқау болды. Бірнешеуіне шолу жасап көрейік.
"Ешкім білмейтін дұға" сатылды
Желіде Аягөз есімді блогер "ешкім білмейтін, оқысаңыз бірден қабыл болатын қасиетті дұға" сатамын деп көптің талқысына қалды. Блогердің "құпия дұға" сатуы ҚМДБ-ның да назарына түсті. Басқарма бұл әрекетті айыптап, "дұға жасау үшін ешқандай ақша төлеудің қажеті жоқ екенін" еске салды.
Ал Тредс жұрты әдеттегіше бұл жаңалықты күлкіге айналдырды.
Белгия-Қазақстан матчы: "айдың өзі ұялғанынан қызарып жатыр"
Қазақстанда футбол тақырыбы әзірге өте актуалды болып жатыр. 2026 жылғы әлем чемпионатының алтыншы іріктеу турнирінде Белгиядан 6:0 есебімен жеңілген қазақстандық футболшылар да желі қолданушыларының ең көп талқылаған тақырыбына айналды. Бас бапкер Әлиев те бұл жеңілістен кейін дереу шешім шығарып, отставкаға кетті. Әлиев жылдам әрекет етсе де, Тредс қолданушылары Қазақстан футболы жайлы әзілдеп үлгерді.
