Жаңа жыл мейрамында небәрі үш күн демалдық.
2023 жылы қазақстандықтар үшін ұзақ демалыс күндері сирек болады, деп хабарлайды Almaty-akshamy.kz
Биылғы Рождество сенбіге келеді. Дегенмен мереке демалыс күніне түссе де, басқа күнге ауыстырылмайды.
8 наурыз – Халықаралық әйелдер күні сәрсенбі күніне түседі. Бұл күні бір күн демаламыз.
Наурыз мейрамын тойлауға үш күн демалыс беріледі. Ол сейсенбі, сәрсенбі, бейсенбі күндеріне сәйкес келеді. Яғни қазақстандықтар 21, 22 және 23 наурыз күндері демалады.
Ал мамыр айында біз үш мерекені қатар тойлаймыз. Сәйкесінше, төрт демалыс күнін атап өтеміз:
1 мамыр – Қазақстан халқының бірлігі күні.
7 мамыр – Отан қорғаушылар күні жексенбіге түсіп, дүйсенбіге ауыстырылады. Осылайша екі күн қатар тойланады.
9 мамыр – Жеңіс күні сейсенбіге сәйкес келеді.
2023 жылы Құрбан айт сәрсенбіге сәйкес келеді. Биыл оны 28 маусымда тойлаймыз.
Қазақстанда 2023 жылы демалыс күндерін ауыстыруға байланысты 6 шілдеде Астана күніне төрт күн демалыс жоспарланған. 6 және 7 шілде, содан кейін тағы 2 күн - сенбі және жексенбі. Сенбі, 1 шілде жұмыс күні болады.
30 тамызда бір күн демаламыз. Конституция күні биыл сәрсенбіге сәйкес келеді.
25 қазан – Республика күнінде бір күн демаламыз, бұл мереке сәрсенбіге келеді.
Желтоқсан айында Тәуелсіздік күні үш күн демалыс болады: 16, 17 және 18 желтоқсан (демалыс күнінің кейінге шегерілуіне байланысты).