2025 жылғы қаңтар–мамыр аралығында ауыл шаруашылығының жалпы өнім көлемі 1,3 трлн теңгені құрап, өткен жылдың сәйкес кезеңімен салыстырғанда 4%-ға өсті.
Өсім негізінен мал шаруашылығы өнімінің 4,2%-ға артуының есебінен қамтамасыз етілді – 1,2 трлн теңгеге дейін. Атап айтқанда, сойыс салмағындағы ет өндіру көлемі 3,0%-ға (409,1 мың тоннаға дейін), сиыр сүті өндірісі 7,5%-ға (1 347,9 мың тоннаға дейін) артты, деп хабарлайды aqshamnews.kz.
Мал басының өсуі байқалды: ірі қара мал – 23,4%-ға (9,7 млн басқа дейін), қой мен ешкі – 7,8%-ға (26,3 млн басқа дейін), жылқы – 112,0%-ға (5,0 млн басқа дейін), түйе – 8,5%-ға (321,3 мың басқа дейін), құс – 2,2%-ға (47,7 млн басқа дейін).
Өсімдік шаруашылығы өнімі 68,0 млрд теңгені құрады, физикалық көлем индексі (ФКИ) 100% деңгейінде сақталды.
Азық-түлік өнімдерін өндіру 10,5%-ға артып, 1 496,5 млрд теңгеге жетті, ал сусындар өндірісі 5,3%-ға өсіп, 451,9 млрд теңгені құрады.
Өңірлік тұрғыда орташа республикалық көрсеткіштен жоғары өсім 9 облыста және республикалық маңызы бар 2 қалада тіркелді: Жамбыл облысы – 151,3%, Жетісу – 138,4%, Шымкент қаласы – 123,5%, Солтүстік Қазақстан – 118,3%, Қызылорда – 116,7%, Ақмола – 113,6%, Маңғыстау – 113,4%, Шығыс Қазақстан – 111,7%, Астана қаласы – 111,3%, Алматы облысы – 110,6%, Түркістан облысы – 110,5%.
Сондай-ақ, жекелеген азық-түлік түрлерін өндіру көлемі артты: өсімдік майы – 19,1%-ға (376,8 мың тоннаға дейін), шұжық өнімдері – 11,3%-ға (31,1 мың тоннаға дейін), сары май – 12,7%-ға (15,1 мың тоннаға дейін), ұн – 6,6%-ға (1 438,3 мың тоннаға дейін), қышқыл сүт өнімдері – 4,3%-ға (106,2 мың тоннаға дейін).