Осы жылдың басынан бері Шыңжаң-Ұйғыр автономиялық ауданында (Қытайдың солтүстік-батысында) орналасқан «Қорғас» және «Алашанькоу» теміржол бекеттері арқылы Қытай-Еуропа бағыты бойынша 10 мыңнан астам жүк пойызы өтті.
Бұл туралы China Railway Urumchi Bureau Group Co. Ltd мәлімдеді, деп хабарлайды aqshamnews.kz Rail-news.kz-ке сілтеме жасап.
Компанияның хабарлауынша, бұл көрсеткіш жылдық негізде 9 пайызға артып отыр.
Қазіргі уақытта «Алашанькоу» өткізу пункті арқылы Қытай-Еуропа халықаралық теміржол жүк тасымалы аясында оны әлемнің 21 елі мен аймағымен байланыстыратын 120 бағыт, ал «Қорғас» бақылау-өткізу бекеті арқылы осыған ұқсас 85 бағыт бар.