Туу көрсеткіші Түркістан, Маңғыстау облыстары мен Шымкент қаласында жоғары.
2022 жылдың қаңтар-қазан аралығында Қазақстанда 333 111 бала дүниеге келген, деп хабарлайды Almaty-akshamy.kz Ұлттық статистика бюросына сілтеме жасап.
Ведомство мәліметінше, ең көп туу көрсеткіші тіркелген айлар - қыркүйек пен тамыз. Қыркүйекте 35 931, тамызда 35 922 бала дүниеге келген.
Елімізде алғашқы баласын дүниеге әкелетіндердің орташа жасы - 20-21. Ал екінші баласын дүниеге әкелетіндердің орташа жасы 40-қа дейін ұлғайған.
«Өңірлер арасында жоғарғы туу көрсеткіші, яғни жалпы туу коэфиценті Түркістан облысы, Шымкент қаласы, Маңғыстау облыстарында жоғары. Ең төмен көрсеткіш солтүстік өңірлерде. Солтүстік Қазақстан, Ақмола облысы, Павлодар облыстарында төмен», - делінген хабарламада.