7 800 орындық жаңа бес мектеп салынады.
Алатау ауданындағы мектептердегі орын тапшылығын азайту үшін биыл жылдың соңына дейін Алатау ауданында 7 800 орындық 5 жаңа мектеп салынады. Бұл туралы қала әкімі Ерболат Досаев аудан тұрғындарымен кездесу барысында айтты, деп хабарлайды Almaty-akshamy.kz.
«Сондай-ақ, біз "Саялы-2" және "Зерделі" шағынаудандарында әрқайсысы 550 орындық тағы 2 мектептің құрылысын бастауды жоспарлап отырмыз. Бүгін "Саялы-2" бойынша мердігер ұйымды анықтау үшін конкурс жарияланды. Құрылыс жұмыстары қыркүйек айында басталып, 2023 жылдың қараша айында аяқталады»,- деді Ерболат Досаев.
Әкімнің айтуынша, "Зерделі" шағынауданы бойынша жобалау-сметалық құжаттама осы жылдың қыркүйек айында аяқталады. Жұмыстарды 2023 жылдың наурызында бастап, 2024 жылдың тамыз айында аяқтау көзделіп отыр.