Мәжіліс депутаты елдегі үш басты мәселені атады.
Мәжіліс депутаты Нартай Аралбайұлы елдің көкейіндегі әлеуметтік мәселерді статистикалық деректерді келтіре отырып, бірнеше депутаттық сауал жолдады. Бұл сауалдарын ол сала министріне жолдады.
«Бірақ NEET жастарының өзіндік жұмысқа құлқы жоқ деп айтылады, жұмыссыз жастар түсінікті, өз-өзін жұмыспен қамтыған дегенге де күмән бар. Өйткені, ол такси жүргізушілері, Glovo және басқа секілді қарапайым күнделікті табыс тауып жүрген азаматтар. Осыған сүйенсек, біздің елдегі 900 мыңнан астам жас азамат жұмыссыз деген дерекке келуге болады», - деді Нартай Аралбайұлы.
Сонымен бірге Мәжіліс депутаты жыл сайын түйісетін үш проблемаға тоқталды.
«Оқу жылы келсе, мектеп таппаймыз, жоғары оқу орындарына келсек, жатақхана таппаймыз, ал оқу орнын бітіріп шыққан жастарға жұмыс таппаймыз. Бұл да болса, болжамдаудың жоқ екенін білдіреді», - деді депутат.
«Бүгін Еңбек және халықты әлеуметтік қорғау министрі Светлана Қабыкенқызы Жақыпова депутаттардың алдына келді. Нақты сауалдар қойдым:
1. Жастар арасындағы жұмыссыздық. Өтірік статистика мен желге ұшқан бюджет қаржысы.2. Оңтүстік Кореяға жұмысқа баратын азаматтарымызға еңбек визасын беру.3. Елдегі кедейшілік. Кедей отбасындағы балалардың жағдайы.4. Негізсіз миллиондаған бонус алатын квазимемлекеттік компания басшылары мен жалақыға жарымай отыған жұртым туралы», - деп жазған Мәжіліс депутаты.
«Барлық сұраққа жауап береді жуырда. Жариялаймын. Бұл проблемаларды бұлай қалдырмаймыз»! - деді депутат.