Қазақстанда «Бір күндік клиника» жобасы сәтті жүзеге асырылуда. Бұл бастама әйелдерге «бір терезе» қағидаты бойынша бір күн ішінде сапалы пренатальды диагностика және тексеру нәтижелерін алуға мүмкіндік береді, деп хабарлайды aqshamnews.kz
Жоба алғашында пилоттық режимде бірнеше өңірде басталып, бүгінде бүкіл ел аумағына таратылды. Оның басты артықшылығы – туа біткен кінәраттар мен хромосомалық патологияларды ерте анықтау. Қазіргі таңда бұл мүмкіндікті 40 мыңнан астам әйел пайдаланды.
Жобаның негізгі мақсаты – жүкті әйелдерге жоғары сапалы қызмет көрсетіп, болашақ ана мен бала денсаулығын қорғау. 2025 жылдың 1 қаңтарынан бастап, жоба еліміздің барлық өңірінде тұрақты түрде іске асырылады.