Жастар арасындағы жұмыссыздық деңгейі бір жыл бұрынғы 3,9% болған, биыл 3,7% болған.
2021 жылдың үшінші тоқсанында елде 77,5 мың жас жұмыссыз болған, бұл 2020 жылдың осы кезеңімен салыстырғанда 6,9%-ға аз, деп хабарлайды Almaty-akshamy.kz Finprom.kz сайтына сілтеме жасап.
Жұмыссыз ерлер саны 4,6%-ға қысқарып, 35,4 мың адамға жеткен, жұмыссыз әйелдер саны – 8,7%-ға, яғни 42,2 мың адамға қысқарды. 49,8 мың жұмыссыз адам қалада, 27,7 мың жұмыссыз ауылда тұрды.
2020 жылдың үшінші тоқсанында елде 83,3 мың жұмыссыз жігіт пен қыз болды, бұл өткен жылға қарағанда 1,7%-ға азайған.
Өңірлік үлесте жұмыссыз жастардың басым бөлігі Алматыға тиесілі: 14 мың адам – бұл бір жыл бұрынғыға қарағанда 5,8%-ға аз. «Ең көп жұмыссыздар» үштігіне сонымен қатар Алматы облысы (9,8 мың адам, минус 1,1%) мен еліміздің астанасы (6,6 мың адам, плюс 7,7%) кірді. Жастары жұмыс таба алмаған өңірдің ең төмен көрсеткіші Солтүстік Қазақстан облысында: 1,3 мың адам, минус 38,5%.
Жұмыссыз жастар санының ең көп өсімі Маңғыстау облысында (плюс жылына 11,2%, 2,7 мың адамға дейін), ең азы Солтүстік Қазақстан облысында байқалады.
Жастардың көпшілігі 1 айдан 3 айға дейін жұмыс іздеуде: 22,5 мың адам – бір жыл бұрынғыдан 23,1%-ға аз.
Тағы 19,5 мың жас 3 айдан алты айға дейін, 10 мың адам алты айдан бір жылға дейін, 9,5 мың адам бір жылдан астам жұмыс іздеуде.
