АЭС – тек энергетика саласының нысаны ғана емес, сонымен бірге еліміздің ғылыми-техникалық прогресінің жарқын символына айналуға тиіс. Қазіргі таңда оның атауы әлі жоқ. Бұл – Қазақстандағы тұңғыш атом электр станциясы болғандықтан, Мемлекет басшысы Қасым-Жомарт Тоқаев халық арасында үздік атау бойынша ашық байқау жариялауды ұсынды.
«Бұл сайысқа қатысып, шығармашылық қабілеттеріңізді көрсетуге шақырамын. Бәлкім, шешім қабылдаған кезде Сіздердің де ұсыныстарыңызға сүйенерміз», – деді Президент.
Біз, бұл бастаманы толық қолдаймыз. Бұл – тек бір нысанның атауын таңдау емес, ұрпаққа қалар тарихи мұраға үлес қосу мүмкіндігі.
Сондықтан өз тарапымыздан бірнеше нұсқасын ұсынамыз:
• Жерұйық Энергиясы – қазақ аңызы мен бейбіт өмірдің символы.
• Ұлы Дала Қуаты – ұлттық брендке айналатын, кең даламыздың қуатын білдіреді.
• СамалАтом – жеңіл естілетін, таза энергия мен желдің тынысын біріктіреді.
Қазақстан – ортақ үйіміз. Осы ортақ үйіміздің энергетикалық қауіпсіздігін қамтамасыз ететін стратегиялық жобаға халықтық атау беру – әрқайсымыздың азаматтық міндетіміз.
Бірге ойланайық, бірге таңдайық, бірге дамытайық!
Рафик Мирзоев,
Қазақстан күрдтері қауымдастығы «Барбанг» басқарма төрағасы