2024 жылдың 8 тамызында Семей қаласының N2 соты Абай аудандық полиция департаменті Көші-қон қызметі басқармасының бастығы Гүлвира Дөненбаеваға қатысты үкім шығарды, деп хабарлайды aqshamnews.kz
Дөненбаева, сондай-ақ оның әріптестері ерекше тапсырмалар жөніндегі аға инспектор Р. Садықов пен инспектор А. Нұрахметова пара алғаны үшін сотталды.
Дөненбаева Нұрахметованы атқаратын лауазымына тағайындағаны үшін Садықов арқылы 1 000 АҚШ доллары көлемінде пара алғаны анықталды.
Сот шешімі бойынша Дөненбаева 4 жылға, Нұрахметова 3 жылға, Садықов 3 жыл 6 айға бас бостандығынан айырылды. Сонымен қатар, сотталғандар арнаулы атақтарынан және мемлекеттік қызметте, сондай-ақ квазимемлекеттік сектор субъектілерінде лауазымдарды атқару құқығынан айырылды.
Үкім заңды күшіне әлі енген жоқ.