Алматыда бір бөлмелі пәтерлерге сұраныс төмендеп, есесіне Астанада баспанаға деген сұраныс артқан, деп хабарлайды aqshamnews.kz
Алматыда бір бөлмелі пәтерлерге сұраныс төмендеп жатыр. Мәселен, тамыз айында 3 227 келісімшартқа қол қойылған. Салыстырмалы түрде алғанда шілде айымен салыстырғанда 7%-ға аз. Көрсеткіш үш ай қатарынан төмендеуде. Десе де, жалпы тұрғын үй нарығында өсім бар. Мәмілелер саны 2%-ға артып, 7 242-ге жеткен. Негізінен, өсім екі бөлмелі пәтерлерге тиесілі.
Елордада тұрғын үйге сұраныс жоғары – 8 200 келісім, бұл шілдеден 20%-ға көп. Қазақстан бойынша тамызда жалпы мәмілелер саны 40 мыңнан асты, бұл 2022 жылғы сәуірден бергі рекордтық көрсеткіш десе де болады.