Кездесуде тараптар Қазақстан мен Марокко арасындағы діни-рухани байланыстарды нығайту, ислам істері саласындағы ынтымақтастықты кеңейту мәселелерін талқылады, деп хабарлайды aqshamnews.kz ҚМДБ Баспасөз қызметіне сілтеме жасап.
Астанада Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы Марокко Корольдігінің Қазақстан Республикасындағы Төтенше және Өкілетті Елшісі Мохаммед Рашид Маанинуді қабылдады.
"Бұл кездесу қос мемлекет арасындағы өзара серіктестікті арттырып, діни саладағы тәжірибе алмасуға мүмкіндік береді", – деді Бас мүфти.
Кездесу соңында екіжақты ынтымақтастықты жандандыру мақсатында бірлескен жобаларды жүзеге асыру және дін қызметкерлерінің біліктілігін арттыру бағытында ұсыныстар білдірілді.