Қаржы нарығын реттеу және дамыту агенттігі (ҚНРДА) банк карталарын шығару мен пайдалануға қатысты жаңа талаптар енгізетінін жариялады. Бұл ережелер қаржы пирамидалары мен алаяқтық әрекеттерді болдырмауға бағытталған, деп хабарлайды aqshamnews.kz
Кімдерге шектеу қойылды?
-
18-21 жас аралығындағы жастар – онлайн төлем картасын ала алмайды. Олар енді тек банк бөлімшесіне барып картаны рәсімдей алады.
-
Шетел азаматтары – банк картасын алу тәртібі күшейтіледі. Банктер олардың заңды түрде елде болуын тексеріп, картаны шығарады.
-
Қаржы пирамидалары мен дропперлер – күмәнді операцияларды анықтаған банктер карталарды бұғаттайды.
Қандай өзгерістер енгізіледі?
Шетелдіктер үшін:
-
Картаны онлайн немесе өкіл арқылы алу мүмкін болмайды.
-
Клиент айына кемінде бір рет екі факторлы сәйкестендіруден өтуі керек.
-
«Бір төлем картасы – бір адамға» қағидасы енгізіледі.
-
Картаны ашқан алғашқы үш айда транзакциялар қатаң бақылауда болады.
Қаржы пирамидалары мен дропперлерге қарсы:
-
Бір IP мекенжайы мен телефон нөмірін бірнеше клиент пайдаланса, банк оларды тексеріп, күмәнді карталарды бұғаттайды.
-
Әдеттен тыс геолокация, IP немесе құрылғы қолданылған жағдайда, шаралар қолданылады.
-
Күмәнді операциялар үшін карталарды пайдаланған тұлғалармен қаржылық байланыс орнатылса, шектеулер енгізіледі.
Несие алу туралы:
-
Егер сіз алғаш рет несие алғыңыз келсе, оны онлайн рәсімдеу мүмкін болмайды. Міндетті түрде банк немесе МҚҰ кеңсесіне бару керек.
Бұл өзгерістердің мақсаты қаржы пирамидалары мен алаяқтық әрекеттерді азайтуға бағытталған. Банктер енді күмәнді операцияларды жасанды интеллект арқылы қадағалайды.