Алматыдағы ҚР Мемлекеттік орталық музейінде «Қазақ халық фольклоры: қазақ ертегілер әлемінде» жобасы аясында қаламыздағы «Көкіл» колледж-мектебінің 1-сынып оқушыларына «музейлік сабақ» өтті.
– Баланың сөздік қорын арттырып, қиялын ұштап, дарынын дамытуда қазақ ертегілерінің пайдасы зор. Сондықтан дәріс басталмас бұрын оқушыларға ертегінің тәрбиелік мәні туралы айтылды. Ары қарай сабақ «Ай мен жұлдыз» ертегісімен жалғасты. Оқушылар ертегіні ерекше ықыласпен тыңдады. Дәріс соңында кейіпкерлерге мінездеме беріп, әр оқушы ертегі тыңдау барысында қандай ой түйгенін ортаға салды, – дейді Нұржанат Алтынбекова.
