Сотты болып, бостандығынан айырылып, жазасын өтеп жатқан жасөспірімдер де орта білім алуға құқылы. Олар үшін де алғашқы қоңырау соғылды.
Алматы қаласы ҚАЖ департаментінің №11 мекемесіндегі №3 жалпы білім беретін мектепте «Мектебім — мейірім мекені» атты салттанты жиын өтті. Мекемедегі сотталғандар арасында әлеуметтік-психологиялық тәрбие жұмысы бөлімінің бастығы әділет подполковнигі Алма Қойшыбайқызы ұстаздар мен оқушыларды Білім күнімен құттықтады. Мектеп мұғалімдерінің қажырлы еңбегіне алғыс айта отырып, сәттілік, толағай табыстар тіледі.
2024-2025 оқу жылының 1 кыркүйегінде мемлекеттік тіл мен орыс тілінде оқытатын жеті сынып жабдықталды: мемлекеттік тілде оқитын - 31, ал орыс тілінде оқитын 18 оқушы бар.
— Бұл мектеп Алматы қаласы Білім басқармасымен бекітілген оқу жоспарымен жұмыс істейді. Оқулықтармен толық қамтылған. Әрбір оқушының білім алып, жан-жақты дамуы үшін қолайлы жағдай жасалуға тиіс, өскелең ұрпақтың болашағына үлкен мән беру керек, — дейді Оқу тәрбие ісінің меңгерушісі Айзада Алиева.
