Күз келіп кезекті оқу маусымы басталды. Барлық өңірлерде Білім күні мерекесін атап өтіп жатыр. Осы орайда мен барлық сүйкімді бүлдіршіндерімізді шын жүректен білім күнімен құттықтаймын! Осы қуанышты сәтпен бірге Ассамблеясының «Жомарт жан» жобасы мен «Мектепке жол» акциясы аясында Қазақстан күрдтерінің «Барбанг» ассоциациясы атқарған бірқатар игі істер жайлы қысқаша бөлісуді жөн көрдім.
Алғашқы шара 17 шілде күні Жамбыл облысының Қаратау ауданына қарасты Қасқабұлақ ауылында өтті. Балаларға арнап концерт ұйымдастырылып, мектеп сөмкелері мен керек-жарақтар сыйға таратылды.
Осы игі бастама Жамбыл облысының Гродеково мен Жас Өркен ауылдарында және Тараз қаласында жалғасты.
Айрықша атап өткім келетіні – Шу қаласына сөмке мен кеңсе тауарларын жеткізіп, балаларға тарату ісін өзім тікелей ұйымдастырдым.
26 тамыз күні Алматы қаласындағы Достық үйінде Қазақстан күрдтерінің «Барбанг» ассоциациясы мен Республикалық Достық үйі бірлесіп «Мектепке жол» акциясын өткізді. Шара барысында балаларға сыйлықтар беріліп, арнайы дастарқан жайылды.
Алматы облысында да бұл дәстүр жалғасын тауып Есік қаласы мен Боралдай, Бесағаш, Қарабұлақ, Түймебаев ауылдарында бүлдіршіндерге оқу құралдары тарту етілді.
Алматы қаласында бұл акция Ассамблеясының қалалық құрылымдарымен бірлесіп қана емес, жеке бастамаларымыз арқылы да жүзеге асты. 28 тамыз күні Ассамблея құрылымдарымен бірге Алматы қаласындағы №207 мектепте «Мектепке жол» шарасы өтті.
Бұл жиынға Алматы қаласы Ақсақалдар кеңесінің төрағасы Болат Оспанов, Қазақстан ұйғырларының республикалық этномәдени орталығының төрағасы Долкутнай Алиев, Алматы қалалық өзбек этномәдени орталығы төрағасының орынбасары Абдухалил Уралбаев және «Ассамблея жастары» РҚБ Алматы қалалық өкілдігінің төраға орынбасары Мохаммедсаруар Омар қатысты.
Шара барысында көптеген отбасыларға қаржылай көмек көрсетілді. Кейбір жанұяларға мектеп формасы мен қыстық киімдер сыйға тартылды.
Қазақстан күрдтерінің «Барбанг» ассоциациясы жыл сайын Ассамблеямен бірге балалар мен олардың отбасына қолдау көрсетіп келеді. Бұл – әрбір баланың білім алу жолында тең мүмкіндікке ие болуына жасалған нақты қадам. Өйткені балалар – болашақ, біздің ең асыл арманымыз бен үлкен үмітіміздің иелері.