Азия ойындарында жүлде алған сыйақы мөлшерін жарияланды

Азия ойындарында жүлде алған сыйақы мөлшерін жарияланды Сурет: ашық дереккөз

Азия ойындары Қытайдың Ханчжоу қаласында 23 қыркүйек пен 8 қазан аралығында өтеді


Туризм және спорт министрлігі алдағы жазғы Азия ойындарында жүлде алған қазақстандық спортшылар мен олардың жаттықтырушыларына ақшалай ынталандыру мөлшерін жариялады, деп хабарлайды Almaty-akshamy.kz.


Azattyq Ruhу-ның мәліметі бойынша, Азия ойындарының чемпионы атанған спортшыға 10 000 АҚШ доллары көлемінде ақшалай сыйақы беріледі. Ал алтын медаль иегерін жарысқа дайындаған жаттықтырушыға 5 000 АҚШ доллары қарастырылып отыр.


Құрлық біріншілігінің күміс жүлдегері 5 000 АҚШ доллары, ал жаттықтырушысы 3 000 АҚШ доллары көлемінде сыйақы алады. Сондай-ақ қола медаль еншілеген құрама спортшысына 3 000 АҚШ доллары, ал оның жаттықтырушысына 2 000 АҚШ доллары көлемінде ақшалай ынталандыру белгіленген.


Азия ойындары Қытайдың Ханчжоу қаласында 23 қыркүйек пен 8 қазан аралығында өтеді. Өз тарихында 29-шы мәрте жалауын көтеретін Азия ойындарында 40-тан астам спорт түрінен жүлделер сарапқа салынады. Құрлық біріншілігіне 45 мемлекет қатысады деп жоспарланып отыр.



«Азия ойындарына қатысатын ұлттық құрама жасақталып, еліміздің әр өңірінде оқу-жаттығу жиындарын өткізіп жатыр. Спортшыларымыз жақын күндері Қытайға аттанады»,- деді ҚР Туризм және спорт министрлігінің ресми өкілі Мөлдір Әбдуалиева.


Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

20:20

19:16

19:14

18:42

18:24

18:03

17:48

17:34

17:24

17:14

17:01

16:44

16:37

16:30

16:15

16:10

16:05

15:44

15:30

15:16

15:07

15:05

14:52

14:36

14:25