2025 жылдан бастап балаға екпе салуға рұқсат беру немесе бас тарту электронды түрде тіркеледі. Вакцинация деректері «eGov mobile» платформасында сақталып, азаматтар оны оңай бақылай алады, деп хабарлайды aqshamnews.kz
Егер екпе салынған пациент вакцинациядан кейін жағымсыз әсерлерге шағымданса, дәрігерлер жаңа әрекет алгоритмі бойынша әрекет етеді. Бұл жағдайда:
Медициналық көмек көрсетіледі;
Электронды хабарлама ресімделеді;
Деректер мемлекеттік органдарға жіберіледі.
Бүгінде елде вакцинадан кейінгі асқынуларды бақылау және олардың алдын алу мақсатында жаңа ақпараттық жүйелер енгізіліп жатыр. Сонымен қатар, вакцинацияның толық тарихы цифрлық форматта сақталады, бұл азаматтарға жеке медициналық ақпараттарын басқаруды жеңілдетеді.
Бұл жаңашылдық азаматтардың денсаулығын қорғаудағы маңызды қадам болып табылады және елдегі медициналық бақылау жүйесінің тиімділігін арттыруға мүмкіндік береді.